Shqiptari hedh të dashurën nga dritarja (Foto)

Të hënën në Dyseldorf, një 24-vjeçare është hedhur nga dritarja e katit të dytë dhe dyshohet se veprimi është kryer nga i dashuri i saj 39-vjeçar, shkruan “Bild”.

Vajza mbeti e plagosur rëndë dhe është dërguar menjëherë në spital. Tani është jashtë rrezikut për jetë. 39-vjeçari shqiptar është arrestuar të martën dhe të mërkurën ka dalur përpara Gjykatës. Prapaskenat janë të panjohura.

Ngjarja ka ndodhur në rrugën Rethelstraße të lagjes Düsseltal. Policia dhe Prokuroria hetojnë rastin për “vrasje të mbetur në tentativë”.

Sipas hetimeve të deritanishme, rumunja është rrëzuar rreth orës 7.50 nga dritarja – rreth shtatë metra lartësi. Ajo vetë ka akuzuar të dashurin e saj për hedhjen. Nga bastisjet në shtëpi, policia ka gjetur edhe drogë. I dashuri shqiptar, deri tani nuk ka dashur të flasë për autoritetet.