Loading…

Shtatë gjërat që gratë presin nga burrat në shtrat

  • 01/11/2022 | 08:22

Shtatë gjërat që gratë presin nga burrat në shtrat

Të kuptosh se çfarë duan gratë nuk është edhe aq e vështirë. Në fakt, nëse burrat u kushtojnë vëmendje të mjaftueshme, mund të dinë vërtet se çfarë tregojnë veprimet e grave. Veçanërisht në shtrat.


Veprimet e grave zbulojnë shumë për atë që duan në marrëdhënie dhe jetën e tyre intime. Seksi mund të jetë edhe më emocionues kur meshkujt zbulojnë mënyrën më të mirë për të udhëhequr poshtë çarçafëve.

Edhe pse nuk është mister, sigurisht që ka disa sekrete që gratë dëshirojnë që burrat t’i dinë për të fituar pikë në shtrat! Më poshtë vijnë ato që njihen si “sekretet e arta” të shtratit.

Një bisedë e mirë është një afrodiziak i madh

Shumë gra mendojnë se një bisedë e mirë është një nisje e mirë. Për to, të folurit dhe ndjenja e dashurisë është shumë e rëndësishme. Biseda e mirë gjatë shëtitjeve ose kur çifti është duke pushuar mund të jetë një afrodiziak i madh. Një burrë mund t’i thotë gruas së tij se sa shumë e do atë, gjë që vepron si një siguri që ai është me të mendërisht gjatë atyre momenteve intime.

Gratë duan të lavdërohen

Për një çift që është bashkë prej kohësh, ndonjëherë është e natyrshme që femrat të mendojnë se partnerit të tyre mund t’u duken më pak tërheqëse. Për shkak të kësaj, disa gra zhvishen vetëm nën mbulesa apo në errësirë. Burrat e kujdesshëm duhet t’i kuptojnë shqetësime të tilla. Nuk ka nevojë të gënjesh dhe të thuash se “ajo është e mrekullueshme” nëse nuk është. As nuk ka nevojë të thuash se nuk është më tërheqëse. Gjithmonë mund të vlerësoni dhe lavdëroni atë që ju duket tërheqëse.

Për një grua seksi nuk është i ndarë nga pjesa tjetër e jetës së saj

Meshkujt priren ta ndajnë jetën e tyre. Ndërsa femrat kanë nevojë për ndjenja dhe përvoja të mira gjatë ditës për të bërë seks të kënaqshëm. Mënyra sesi i dashuri e trajton atë gjatë ditës ndikon shumë në reagimin e saj në shtrat. Mosvëmendja, gjuha e ashpër, tonet e vrazhda, fjalët lënduese dhe kritikat mund ta bëjnë të vështirë për një grua përfshirjen, entuziazmin dhe pasionin gjatë seksit.

Një orgazmë nuk është një domosdoshmëri

Shumë burra mendojnë se një dashnor i mirë është ai që mund ta çojë gruan e tij në kulmin seksual. Është e mrekullueshme të kesh momente të tilla, por jo gjithmonë thelbësore. Shumë gra ndjejnë presion nga partnerët dhe madje edhe nga vetja për të arritur një orgazëm. Ndonjëherë në vend që të përjetojnë orgazma, gratë preferojnë vetëm të angazhohen vetëm në paralojë.

Seksi nuk duhet të jetë një akt serioz

Shumë meshkuj janë shumë seriozë për seksin. Ata harrojnë të qeshin. Të jenë të djallëzuar, romantikë, të argëtohen. Lojërat mund t’i bëjnë momentet intime të këndshme dhe relaksuese. Kjo heq presionin e performancës nga të dy partnerët.

Gratë e duan prekjen dhe butësinë jo-seksuale

Gratë e duan romancën, përqafimin, mbajtjen e duarve dhe puthjet. Por shumë gra ankohen se burrat e tyre kurrë nuk e bëjnë këtë, përveçse gjatë paralojës. Një grua duhet ta bëjë burrin e saj të kuptojë gëzimin e prekjes. Ndërsa i bëni një masazh relaksues dhe i përkëdhelni fytyrën dhe flokët me butësi, ajo fillon të përjetojë gëzimin e këtij lloji të prekjes jo-seksuale.

Vëmendja e ngrohtë pas seksit është e rëndësishme

Nevoja e një gruaje për momente të buta shkon përtej dashurisë aktuale. Disa gra ankohen se meshkujt i zë gjumi menjëherë pas aktit. Është e vërtetë që kur një mashkull bën seks, niveli i tij i endorfinës është shumë i lartë.

Pothuajse menjëherë pas ejakulimit, ai kalon një fazë refraktare ku humbet ereksionin dhe të gjitha sistemet e tij dobësohen. Tek femrat kjo fazë ndodh gradualisht. Megjithatë, nëse nuk ju pëlqen që ai të bjerë në gjumë menjëherë, thuajani pa e ulur atë. Përndryshe, lëreni të flejë në krahët tuaj për disa minuta dhe zgjojeni butësisht më pas.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë