Loading…

Shtatë vjet burg shqiptarit në Angli, e dashura befason në gjyq

  • 28/02/2017 | 15:00

Shtatë vjet burg shqiptarit në Angli, e dashura befason në gjyq
 Një shtetas shqiptar, emigrant ilegal në Angli i cili u kap me kokainë me vlerë gati 500 mijë paund, pasi e kishte futur në Britani duke e fshehur në pjesën e prapme të një kamioni u dënua me shtatë vjet burg të hënën. Ai është Sami Docat, 35 vjeçar.

Ai u arrestua pasi policia e ndaloi atë teksa ngiste një “VW Passat” pranë shtëpisë ku bashkëjetonte me të dashurën e tij Marina Seinopoulou, 31 vjeçare, në Neasden, në veriperëndim të Londrës, shkruajnë mediat shqiptare.

Image

Sami Docat

Policia i gjeti në automjet 878 g kokainë me një vlerë që po të shitej në rrugë, do t’i siguronte atij 219.250 paund, ndërsa 927g kokainë me vlerë prej 266.340 paund u gjeten në apartamentin e tij së bashku me 26,000 paund, para kesh.

Shqiptari e ka pranuar akuzën dhe ka treguar se bënte pjesë në një organizatë të madhe droge dhe po vazhdonte të punonte për ta sepse ai u kishte atyre 8 mijë paund borxh.

Surprizë ishte veprimi i të dashurës së tij e cila ka thënë në gjyq se e dashuronte 35-vjeçarin dhe se ka qenë në dijeni të çdo gjëje që ai ka bërë.

Për këtë vajza është arrestuar dhe gjykata vendosi që ajo të dënohej me tre vite burg.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë