Shtëpia e Bardhë: Fushata në Iran mund të zgjasë katër deri në gjashtë javë

Fushata ushtarake amerikane kundër Iranit mund të zgjasë nga katër deri në gjashtë javë, tha së fundmi Karoline Leavitt, sekretarja e shtypit e Shtëpisë së Bardhë.

Donald Trump më parë sugjeroi se lufta do të zgjaste afërsisht katër deri në pesë javë, por mund të zgjaste “shumë më gjatë”.

Pete Hegseth, sekretari i mbrojtjes, tha se ShBA-të do të “merrnin gjithë kohën e nevojshme për t’u siguruar që të kishin sukses”.

Duke folur përpara një takimi të Trump dhe kontraktorëve kryesorë të mbrojtjes sot, Leavitt shtoi se SHBA-të kanë rezerva të mjaftueshme armësh për të përmbushur të gjitha nevojat e tyre operacionale në Iran.

Ajo tha gjithashtu se SHBA-të po shqyrtonin një numër njerëzish për të udhëhequr Iranin, pasi presidenti tha sot se synon “dorëzimin pa kushte” të qeverisë së Iranit.