Shtëpia e Rihanna’s në radarin e të shtënave me armë, lidhet një person
-
09/03/2026 | 17:19
Shtëpia e superyllit të muzikës pop, Rihanna, në Beverly Hills është goditur nga të shtënat me armë zjarri, raportoi policia.
Oficerët e Departamentit të Policisë së Los Anxhelosit iu përgjigjën raportimeve për të shtëna me armë zjarri në orën 13:15 sipas kohës lokale të dielën. Një i dyshuar u gjet dhe u vu në pranga.
Një zyrtar i policisë tha se shtëpia i përkiste Rihannës dhe se në vendngjarje u gjetën gëzhoja pushke.
Askush nuk u lëndua në incident. Ndërkohë, Rihanna ndodhej në rezidencë në atë kohë.
Policia thotë se e dyshuara, një grua rreth të 30-ave, ndaloi me një makinë jashtë shtëpisë dhe qëlloi shtatë herë përpara se të largohej me shpejtësi.
Automjeti i saj ndodhej rreth tetë milje larg shtëpisë së këngëtares, ku gruaja u mor në paraburgim. Ajo ende nuk është identifikuar publikisht.
Rihanna ka nisur biznese të shumta, duke përfshirë linjën e saj të njohur të kozmetikës Fenty Beauty dhe një kompani të brendshmesh. Pasuria neto e 37-vjeçares është vlerësuar nga Forbes në mbi një miliard dollarë.
