Loading…

Shteti me 110 milionë banorë pezullon vaksinën e AstraZenecas për ata nën 60 vjeç

  • 08/04/2021 | 09:09

Shteti me 110 milionë banorë pezullon vaksinën e AstraZenecas për ata nën 60 vjeç

Autoritetet shëndetësore në Filipine të enjten vendosën që ta pezullojnë përdorimin e vaksinës së kompanisë AstraZeneca për Covid-19 për personat nën moshën 60-vjeçare për t’i hulumtuar raportet e mpiksjes së gjakut në shtetet tjera.


Pezullimi i përkohshëm erdhi pasi Agjencia Evropiane e Ilaçeve rekomandoi që të përfshihet edhe mpiksja e gjakut në listën e efekteve të rralla anësore, tha drejtori i Administratës së Ushqimit dhe Ilaçeve, Enrique Domingo, duke shtuar se ende nuk ka raste të raportuara të mpiksjes së gjakut në Filipine.

Deri më tani, Filipinet janë furnizuar me mbi 525 mijë doza të vaksinës së AstraZeneca-s përmes programit të COVAX-it, shkruan Reuters, transmeton Gazeta Express.

Përdorimin e kësaj vaksine për grupmoshat e reja dhe të mesme e kanë bërë edhe disa shtete tjera, përfshirë shtetet e mëdha evropiane.

Ndonëse mpiksja është shfaqur shumë rrallë në krahasim me numrin e përgjithshëm të personave të vaksinuar, ajo ka shkaktuar shqetësime për shkak se disa prej pacientëve me këtë problem kanë vdekur.

Megjithatë, Agjencia Evropiane e Ilaçeve dhe Organizata Botërore e Shëndetësisë vazhdimisht kanë deklaruar se përfitimet që sjell vaksina ia marrin anën çfarëdo rreziku dhe kanë bërë thirrje që të vazhdojë përdorimi i saj.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë