Shtohet niveli i sigurisë në Prishtinë, pritet vendosja e kamerave në 55 lokacione të reja përfshirë parqet

Kryeqyteti i Kosovës, Prishtina, me vendimin e fundit ka vendosur të rrisë sigurinë me shtimin e kamerave të sigurisë, transmeton Gazeta Metro.

Kryeqyteti ka hyrë në fazën e dytë të projektit për vendosjen e kamerave të sigurisë, me ç’rast planifikohet zgjerimi i rrjetit edhe me 55 lokacione të tjera, përfshirë të gjitha parqet e Prishtinës.

Projekti parasheh gjithashtu krijimin e një Qendre Operative për monitorimin e kamerave, të cilat do të mbikëqyren vetëm nga Policia e Kosovës.

Drejtori i Drejtorisë për Siguri dhe Emergjenca në Komunën e Prishtinës, Lulzim Fushtica në një intervistë për Ekonomia Online, ka thënë se faza e parë e projektit ka përfunduar, me vendosjen e kamerave në 55 lokacione, me rreth 220 pamje, të cilat monitorohen 24 orë në ditë nga Policia e Kryeqytetit./gazetametro.net