Loading…

Shtrenjtimi i bukës: Mullisët tregojnë nëse ka rritje të çmimit të miellit

  • 26/09/2022 | 21:03

Shtrenjtimi i bukës: Mullisët tregojnë nëse ka rritje të çmimit të miellit

Ditëve të fundit në Kosovë përveç rritjes së çmimeve në produkte esenciale ushqimore ka pasur ngritje edhe në çmimet e bukës.


Nga kjo e shtunë, banorët e Fushë Kosovës do t’i paguajnë 60 cent për një bukë.

Megjithatë çmimeve të ngritura të bukës, ngritje në çmimet e miellit nuk do të ketë.

Kështu ka thënë për Front Online, kryetari i Shoqatës së Mullisëve të Kosovës, Bashkim Zejnullahu.

Zejnullahu tha se mielli nuk është arsyeja e ngritjeve të çmimit të bukës tek furrtarët.

“Mielli nuk është shtrenjtuar dhe nuk ka ndonjë parashikim që të ketë ngritje të miellit. Furrtarët për ngritje të çmimeve të bukës ndoshta kanë ndonjë arsye tjetër, por mielli nuk është arsye për ngritje të çmimeve”, potencoi ai.

Zejnullahu ka thënë se ka sasi të mjaftueshme aktualisht të miellit në vend.

“Kemi sasi të mjaftueshme të grurit dhe të miellit, kjo sasi nuk di a është e mjaftueshme edhe për vitin e ardhshëm varët në situatën globale që ndodh, por aktualisht jemi mirë me situatën me miellin”, u shpreh Zejnullahu.

Ndryshe, inflacioni vjetor në Kosovë deri në muajin gusht 2022, ka arritur në 13 për qind, ka treguar Agjencia e Statistikave të Kosovës (ASK). Kjo rritje e inflacionit përkthehet me rritjen enorme të çmimeve të shumë produkteve ushqimore në Kosovë këtë vit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë