Loading…

Si do jetë moti ditën e zgjedhjeve?

  • 12/11/2021 | 20:49

Si do jetë moti ditën e zgjedhjeve?

Mbetet mot kryesisht stabil edhe në fundjavë, me vranësira e diell.  Të dielën kur në Kosovë do të mbahet balotazhi do të ketë mundësi për riga lokale shiu.


Sipas Prishtina Weather ditëve në vazhdim do të kemi mot kryesisht stabil.  Të shtunën me më shumë diell, në mëngjes vende-vende edhe ngrica, derisa ditën e diel në perëndim të vendit paraqiten kushte edhe për riga lokale shiu.

Edhe në fillim të javës së ardhshme mbetet mot i qëndrueshëm, me më shumë vransira, e ditën edhe intervale me diell.  Të hënën orëve të mëngjesit në ultësira mundësi për mjegull apo mjegullinë.

Mos-qarkullimi i mjaftueshëm ajror në fundjavë, dhe dominimi nga kushte të presionit të rritur do të mbajë ndotësit ajror më pranë sipërfaqes, e indeksi i cilësisë së ajrit do të mbetet në vlera të dobëta, e herë-herë nëpër lokalitete do të kaloj edhe në vlera shumë të dobëta.

13.11 – Paradite kthjellime e kryesisht me diell.  Në mëngjes në ultësira mundësi për mjegull.  Pasdite shtim i vranësirave, kryesisht shtresore të larta.

14.11 – Kryesisht me vranësira dhe intervale me diell.  Në perëndim të vendit mundësi për riga lokale shiu.

15.11 – Vranësira dhe intervale me diell.  Orëve të mëngjesit përgjatë ultësirave mundësi për mjegull.

16.11 – Kryesisht me vranësira.

15.11 – Vranësira dhe intervale me diell.

Temperaturat minimale në fundjavë zbresin edhe deri në -1C, e maksimalet të shtunën arrijnë deri në 15C, e më pas gradualisht në rënie deri në 11C e 12C të martën e mërkurën.

Në fundjavë dominojnë qetësitë, e nga dita e hënë do të fryjë erë e lehtë dhe mesatare nga verilindja e lindja 3-11m/s.

Shtypja atmosferike mbetet mbi vlera normale, me tendencë të rritjes javën e ardhshme.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë