Si u bë demilitarizimi i ‘dhunshëm’ i UÇK’së 22 vjet më parë?

Janë bërë 22 vite, prej se është arritur marrëveshja për demilitarizimin e Ushtrisë Çlirimtare të Kosovës.

Nënshkrues, me palën e KFOR’it, nga Kosova, ishte udhëheqësi politik Hashim Thaçi.

Bashkë me të, negociuan edhe Jakup Krasniqi e Agim Çeku.

Por, si kryenegociator fillimisht në Tiranë për 2 ditë, ishte Xhavit Haliti, i cili për Klan Kosova tregoi rrëfimin e atyre 3 ditëve të plota negociuese.

Sipas Halitit, me ndërkombëtarët pati edhe përplasje, ndonëse kundërshtimi kryesor nga Kosova vinte kundërshtia e qëndrimit të qindra pjesëtarëve të forcave serbe, që t’i mbrojnë objektet e lokalitet serbe.

Haliti thotë se në diskutime kërkonte që UÇK’ja të mos shuhej, por të ekzistonte nëpër kazerma.

Se nuk është pëlqyer ajo marrëveshje e thotë edhe zëdhënësi i parë i Trupave Mbrojtëse të Kosovës, forcë kjo e dalë nga UÇK’ja.

Shemsi Syla që ishte edhe zëvendës komandat i zonës së Karadakut, thotë që shumë ushtarak nuk pranuan ta veshin më uniformën e TMK’së.

Porse, nënshkruesi i marrëveshje, Hashim Thaçi, e vlerësonte si hap pozitivë atë botë.