S’ka shpresë për regjimin e Ajetollahëve, paralajmëron prapë Izraeli: Do ndjekim çdo pasardhës të Khamenei’t

Kemi hyrë zyrtarisht në javën e dytë qëkur ShBA’të dhe Izraeli goditën Iranin dhe eliminuan liderin suprem Ali Khamenei dhe një sërë liderësh të regjimit islamist, transmeton Gazeta Metro.

Së fundmi, forcat e armatosura të Izraelit kanë lëshuar një paralajmërim ndaj Iranit, duke thënë se do të vazhdojnë të ndjekin çdo pasardhës të udhëheqësit suprem të ndjerë, Ajatollah Ali Khamenei-t.

Në një postim në platformën sociale X, llogaria e Forcave të Mbrojtjes së Izraelit (IDF) në gjuhën persiane shkroi se “Asambleja e Ekspertëve e Iranit, e cila nuk është mbledhur për dekada, do të mblidhet së shpejti në qytetin Qom”.

“Forca e Shtetit të Izraelit do të vazhdojë të ndjekë çdo pasardhës dhe çdo person që përpiqet të emërojë një pasardhës”, thuhet në paralajmërim./gazetametro.net