Loading…

S’kalon Projektligji për Rimëkëmbjen Ekonomike në Komisionin për Buxhet dhe Transfere

  • 11/11/2020 | 11:33

S’kalon Projektligji për Rimëkëmbjen Ekonomike në Komisionin për Buxhet dhe Transfere

Komisioni për Buxhet dhe Transfere nuk i ka dhënë mbështetje Raportit me rekomandime për Projektligjin për Rimëkëmbjen Ekonomike COVID-19.


Me pesë vota për, asnjë kundër dhe asnjë abstenim nuk ka kaluar projektligji në lexim të dytë në këtë Komision.

Kështu që nuk pati vendim marrje për t’u procesuar sot ky projektligj në seancën e jashtëzakonshme, dhe krahas këtij votimi dështon edhe seanca e jashtëzakonshme.

Deputetët e Vetëvendosjes nuk morën pjesë në votim.

Në këtë mbledhje nuk morën pjesë deputetët e PDK-së, të cilët kanë vendosur të mos marrin pjesë në asnjë aktivitet të Kuvendit për një javë, si akt solidar për atë që po ndodh me figurat e larta të UCK në Gjykatën Speciale.

Megjithatë, shefi i GP të PDK-së Bedri Hamza, që është anëtari i këtij Komisioni ende qëndron i izoluar pas infektimit me Covid-19.

Ndërsa, për orën 11:00 sot ishte paraparë të mbahet seanca e jashtëzakonshme për shqyrtimin në lexim të dytë të Projektligjit për Rimëkëmbjen Ekonomike që mundëson edhe tërheqjen e 10 përqind të mjeteve të Trustit.

Kujtojmë, se më 12 tetor ishte miratuar në lexim të parë ky projektligj pas tentativës së shtatë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë