S’mbet tjetër veç thumbat në Twitter: Kryeministri Kurti tallet në llogari të Vucic, ama ‘Zajednica’ i ‘vet-menaxhoi’ në Ohër

Quaje vetëqeverisje e apo vet-menaxhim kompetencat e Asociacionit të Komunave me Shumicë Serbe mbeten në përputhje me Marrëveshjen e Brukselit dhe Marrëveshjes së Ohrit siç janë pajtuar Kosova e Serbia në Ohër. Kryeministri Kurti ka shkruar të martën pasdite në përpjekje të krijojë versionin e tij të ngjarjeve, shkruan Gazeta Metro.

Pritej se këta dy burrështetas ‘të rreptë’ ballkanas ta kenë një qasje të veten sa i përket rrjedhës së ngjarjeve dhe një narracion të vetin për të zhvlerësuar përfitimet e palës tjetër.

Kryeministri Kurti me këtë qasje ka shkruar në konton e tij në Twitter, në anglisht, një porosi ku pretendohet se presidenti serb Aleksandar Vucic paska refuzuar një ofertë të tijën për një Asociacion tyë serbëve që ‘vet-menaxhohen’ para 27 shkurtit e 18 marsit.

“Pasi refuzoi të nënshkruaj Marrëveshjen me 27 shkurt dhe para se të refuzonte përsëri ta nënshkruante me Aneksin e bashkëngjitur më 18 mars, Presidenti i Serbisë refuzoi ofertën time bujare të vet-menaxhimit për Serbët e Kosovës, në një asociacion që unë do ta përpiloja e propozoja. A është ai një Dr No apo Zoti Nyet? Epo, që nuk është një doktor ne e dimë.”

After refusing to sign the Feb. 27 Agreement & before refusing again to sign it w/ the Mar. 18 Annex, Serbia’s President declined my generous offer of self-management for 🇽🇰Serbs, in an association that I’d draft & propose. Is he Dr No or Mr Nyet? Well, we know he’s not a doctor.

— Albin Kurti (@albinkurti) March 21, 2023

E ka inkuadruar një tallje ironike në fund me të duke aluduar se presidenti serb Vucic nuk është aq inteligjent.

Si Kurti dhe Vucic kanë shkëmbyer tallje e thumba ndaj njëri tjetrit edhe më parë dhe i kanë shfrytëzuar me kalkulimet e tyre elektorale e politike. E që Marrëveshja e Ohrit nuk është edhe aq e popullarizuar as në Kosovë e as në Serbi mund të shihet si indikacion edhe kjo qasje e liderëve./gazetametro.net