Loading…

Sot seanca ndaj të ‘fortëve’: Sami Lushtaku, Dardan Gashi dhe Endrit Shala dalin para Gjykatës për gjuajtje me armë

  • 11/02/2019 | 09:10

Sot seanca ndaj të ‘fortëve’: Sami Lushtaku, Dardan Gashi dhe Endrit Shala dalin para Gjykatës për gjuajtje me armë

Zëvendëskryeministri Dardan Gashi, ministri i Tregtisë, Endrit Shala dhe ish-komandanti i UÇK’së, Sami Lushtaku pritet sot të ulen në bankën e të akuzuarve në Gjykatën Themelore të Gjakovës- Dega në Malishevë, transmeton Gazeta Metro.


Seanca fillestar e gjykimit pritet të mbahet sot nga ku do të drejtohet nga gjyqtari Njazi Morina.

Prokuroria e Gjakovës kishte ngritur aktakuzë ndaj Dardan Gashit, Sami Lushtakut dhe Endrit Shalës, për posedim të paautorizuar të armëve, pasi që të njëjtit ishin parë në një video duke festuar në odën e Fatmir Limajt.

Më pas, kësaj aktakuze iu shtuan edhe Behar Amerllahu, Fadil Demiri dhe Sherif Kastrati, transmeton Gazeta Metro.

Të pandehurit në festën e Limajt, pas lirimit nga akuzat e Prokurorisë për krim të organizuar dhe keqpërdorim detyre, janë parë duke gjuajtur me armë nga dritaret e odës.

Nesër pritet që të njëjtit të përballen me akuzat e Prokurorisë Themelore në Gjakovë-dega Malishevë, akuza këto të ngritura më 16 maj 2018, për vepër penale të “mbajtjes në pronësi, kontroll ose posedim të pa autorizuar të armëve”./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë