Sot zyrtarizohet koalicioni AKR-VV

Mitrovica do të ketë një përbërje të re të udhëheqjes komunale që nga sot, shkruan Gazeta Metro.

Një burim i Gazetës Metro, ka konfirmuar se takimi për zyrtarizimin e koalicionit në mes të VV’së dhe AKR’së në Mitrovicë, do të ndodhë sot në ora 12:00.

Siç ishte raportuar më herët nga Gazeta Metro, Bahtiri i ka dhënë VV-së tri drejtori dhe nënkryetarin e Komunës. VV’ja do të udhëheq me drejtorinë për Arsim, drejtorinë për Shëndetësi dhe atë të Kulturës, Rinisë dhe Sportit.

Koalicioni AKR-VV vie pas largimit të LDK’së nga koalicioni më Bahtirin, pasi ky i fundit e kishte shkarkuar drejtorin e Arsimit./gazetametro.net