Loading…

Stambolli nën ujë pas shirave të furishëm: Dy viktima dhe kaos në qytet

  • 15/10/2026 | 08:54

Stambolli nën ujë pas shirave të furishëm: Dy viktima dhe kaos në qytet

Reshjet e dendura të shiut kanë shkaktuar situatë të rëndë në Stamboll të Turqisë, ku dy persona kanë humbur jetën, ndërsa përmbytjet kanë shkaktuar dëme të konsiderueshme në zona të ndryshme të qytetit, transmeton Gazeta Metro.


Sipas raportimeve të mediave turke, shirat e fuqishëm që përfshinë qytetin të mërkurën kanë vështirësuar ndjeshëm qarkullimin dhe kanë përmbytur banesa e lokale afariste. Në disa pjesë, automjetet kanë mbetur të bllokuara nga uji, ndërsa transporti është ndërprerë.

Situata është rënduar edhe nga grumbullimi i ujit në nënkalime dhe tunele, si dhe nga rrëshqitjet e dheut të raportuara në disa zona.

Për shkak të kushteve të krijuara, mësimi në shkollat e Stambollit është pezulluar gjatë së enjtes.

Ndërkohë, ekipet e emergjencës po vazhdojnë ndërhyrjet në terren për t’u ardhur në ndihmë personave të bllokuar nga vërshimet. Autoritetet po përballen me pasojat e reshjeve, të cilat kanë prekur pjesë të shumta të metropolit turk./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë