Loading…

Statistikat e Institutit të Mjekësisë Ligjore: Një 4 vjeçare u dhunua seksualisht këtë vit

  • 30/09/2022 | 23:10

Statistikat e Institutit të Mjekësisë Ligjore: Një 4 vjeçare u dhunua seksualisht këtë vit

Nga fillimi i vitit 2022 deri në fund të muajit gusht, 64 persona iu nënshtruan ekzaminimeve klinike në Institutin e Mjekësisë Ligjore, si pasojë e dhunimeve seksuale.


Në statistikat e siguruara nga tëvë1 nga Instituti i Mjekësisë Ligjore, viktima më e re rezulton të jetë një fëmijë e gjinisë femërore e moshës 4 vjeçare.

Ndërsa, pjesa më e madhe e viktimave të tjera është, gjithsej 44 fëmijë të moshës 11 – 16 vjeç.

Në IML, kontrolleve për evidentimin e dhunës seksuale u janë nënshtruar edhe persona të rritur.

Kështu, 6 persona i takojnë moshës 17-20 vjeç, 8 persona i takojnë moshës 21-30 vjeç, 2 persona i takojnë moshës 31-40 vjeç, dhe 3 persona i takojnë moshave mbi 41 vjeç.

Të shprehura në përqindje, rezulton se 70.3% e viktimave të dhunës seksuale që kanë kryer ekzaminime klinike në Institutin e Mjekësisë Ligjore brenda këtij viti, janë nën moshën 16 vjeç.

Sa i përket shtrirjes gjeografike të prejardhjes së këtyre viktimave, në bazë të statistikave të siguruara nga televizioni, prinë Prishtina me gjithsej 25 raste.

Kryeqyteti pasohet nga Mitrovica me 9 raste, Ferizaj e Prizreni me nga 8 raste secila, Gjakova me 7 raste dhe Gjilani me 5 raste.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë