Loading…

Statistikat: Messi është gati tri herë më i mirë sesa secili futbollist tjetër

  • 10/10/2019 | 12:45

Statistikat: Messi është gati tri herë më i mirë sesa secili futbollist tjetër

Është e vështirë ta krahasosh Lionel Messin me lojtarët e tjerë në botën e futbollit, mirëpo studimi i fundit i ESPN pretendon se argjentinasi është të paktën tri herë më i mirë me statistika sesa secili futbollist tjetër.


Shumë tifozë e vlerësojnë Lionel Messin si lojtarin më të mirë të të gjitha kohëve, për shkak të paraqitjeve të tij me Barcelonës, për të cilët i ka shënuar 672 gola dhe i ka fituar 34 trofe.

Përkundër që kritikët e tij argumentojnë me dështimet e futbollistit me Kombëtaren e Argjentinës, kapiteni i Barcelonës ka fituar edhe shumë çmime individuale ndër vite për paraqitjet e tij në fushën e blertë.

Duke i përdorur të dhënat e TruMedia për të gjitha ndeshjet vendore që nga sezoni 2014/15, gjetjet e tregojnë dallimin mes Messi dhe kolegëve të tij. Studimi i ESPN përfshin statistika si sa pritet që një goditje e Messit të përfundojë me gol.

Përderisa numri dhjetë i Barcelonës i ka shënuar 21 gola nga gjuajtjet e lira që nga viti 2014, askush tjetër s’ka arritur t’i shënojë më shumë sesa 11. Për më tepër, Messi është dukshëm më i mirë edhe në goditjet nga largësia në lojë të hapur, duke i shënuar 16 gola të tilla.

Messi është më i mirë sesa kolegët e tij edhe sa i përket krijimit të rasteve të mira. 32-vjeçari i ka kompletuar më shumë sesa 300 pasime kyçe që nga 2014-ta, ndërsa statistika e dytë më e mirë është 173.

Argjentinasi kryeson në asiste, ndërsa është i dyti për driblime. Gjithsej, Messi i ka 177 gola që nga viti 2014, që është 19 më shumë sesa rivali i tij i vjetër, Cristiano Ronaldo

“Sa i mirë është Messi? Pothuajse tri herë më i mirë sesa kushdo tjetër”, e përfundon studimin e vet ESPN.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë