Loading…

Stoltenberg: Kina po ndryshon ekuilibrin e marrëdhënieve globale

  • 03/11/2021 | 21:47

Stoltenberg: Kina po ndryshon ekuilibrin e marrëdhënieve globale

Ndikimi në rritje i Kinës po prish marrëdhëniet në mbarë botën, paralajmëroi sot Sekretari i Përgjithshëm i NATO-s, Jens Stoltenberg, gjatë një vizite në Kopenhagë.

“Bilanci global i fuqisë po ndryshon, sepse Kina po bëhet një fuqi ushtarake më e madhe dhe më e fortë”, tha Stoltenberg në një takim me kryeministren daneze, Mette Frederiksen.

“Kina po afrohet më shumë me ne. Ne i shohim ata në hapësirën kibernetike, i shohim në hapësirë, i shohim në Afrikë dhe i shohim në Arktik. Dhe ne shohim se si Kina po përpiqet të kontrollojë infrastrukturën kritike këtu në Evropë”, shtoi ai, raporton ATSh.

“E gjithë kjo ka implikime të sigurisë”, vazhdoi kreu i NATO-s.

Në qershor, aleanca prej 30 anëtarësh forcoi ndjeshëm qëndrimin e saj kolektiv ndaj Kinës, duke thënë se sjellja e Pekinit përfaqësonte “sfida sistemike ndaj rendit ndërkombëtar të bazuar në rregulla”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë