Nëse do të shpallet fajtore nga Gjykata për akuzat që i janë ngritur, aktivistja Mirela Ruko, e cila qëlloi me salcë ministren e Arsimit, Lindita Nikolla, rrezikon dënimin me burg.
Ndaj saj rëndojnë akuza “goditje për shkak të detyrës”, që dënohet me 3 vjet dhe “prishje e qetësisë publike”, që dënohet me 2 vjet heqje lirie.
Pra në rastin më të keq ajo mund të dënohet me 5 vite burg, por edhe mund të gjobitet. Incidenti ndodhi një ditë më parë në Samitin Ndërkombëtar të Studentëve që po mbahej para piramidës.
Aktivistja u shoqërua në polici dhe ndaj saj nisi procedimi penal. Mirela Ruko tha sot se e kreu këtë akt në shenjë proteste ndaj ministres Nikolla, lidhur me ligjin e arsimit të lartë të kundërshtuar ashpër nga Lëvizja për Universitetin.
