Loading…

‘Sulmi në veri’ propagandë e orkestruar e Serbisë

  • 02/02/2017 | 16:23

‘Sulmi në veri’ propagandë e orkestruar e Serbisë

Pas një fushate alarmi të nisur sot nga mëngjesi në Beograd nga ana e liderëve instutucional serb dhe mediave atje, ka reaguar edhe presidenti i Kosovës, Hashim Thaçi, duke e cilësuar situatën si propagandë të orkestruar të Serbisë.


Thaçi ka thënë të jetë i zhgënjyer dhe i shqetësuar me fushatën propagandistike në stilin e vjetër të Serbisë, e cila, sipas tij,  vazhdon të ndjell frikë dhe urrejtje ndëretnike tek komuniteti serb që jeton në pjesën veriore të Kosovës.

“Kjo propagandë e orkestruar nga Serbia synon frikësimin e qytetarëve të Kosovës që jetojnë në veri të vendit dhe pengimin e procesit të integrimit të plotë të tyre në institucionet e Republikës së Kosovës”, ka deklaruar Thaçi, njofton Zyra e Presidentit.

Përgjatë gjithë historisë së deritashme, sipas tij, shteti i Serbisë e ka manipuluar dhe viktimizuar për qëllime të veta politike komunitetin serb që jeton në Kosovë.

Pasojat e një qasje të tillë destruktive, siç ka thënë ai, janë evidente edhe sot.

Në këtë kontekst, ai e ka ftuar sërish Serbinë që të heq dorë nga praktikat e tilla të cilat nuk i shërbejnë në asnjë formë procesit të pajtimit dhe normalizimit të marrëdhënieve ndërmjet Kosovës dhe Serbisë.

“Me këtë rast, dua ta siguroj komunitetin serb që jeton në Kosovë se asnjë e keqe kurrë nuk do t’iu ndodhë atyre nga ana e institucioneve të sigurisë së Republikës së Kosovës, të cilat janë demokratike dhe mbrojnë jetën e të gjithë qytetarëve kudo që janë, pavarësisht përkatësisë së tyre etnike”, ka deklaruar Thaçi.

Bashkimi Evropian dhe NATO-ja, sipas tij, duhet t’ia tërheqin vërejtjen Serbisë që të përmbahet nga skenari për të nxitur një konflikt të ri në Kosovë dhe rajon.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë