Sulmohet me koktej molotovi Shtëpia e Alfabetit në Manastir

Huliganë maqedonas sot në orët e hershme të mëngjesit kanë sulmuar dhe demoluar Muzeun e Alfabetit në Manastir.

Sulmi ndaj Shtëpisë së Alfabetit është kryer me koktej molotovi, ndërsa të gjitha dritaret e muzeut janë thyer, derisa kati i sipërm është përfshirë nga flakët, por pa dëme të konsiderueshme, bëjnë të ditur mediat në Maqedoni, përcjell gazetametro.net.

Vendi i ngjarjes tashmë është rrethuar nga pjesëtarë të policisë, të cilët ndalojnë çdo qasje afër Shtëpisë së Alfabetit. Ndryshe, nuk është hera e parë që huliganë maqedonas sulmojnë dhe demolojnë Shtëpinë e Alfabetit në këtë qytet.

Çdo herë kur në Shkup ka protesta, huliganët dëmtojnë muzeun në Manastir, derisa gjithmonë para çdo 22 Nëntori që është Ditës së Alfabetit Shqip, po ashtu sulmohet ky objekt./gazetametro.net