Loading…

Suspendohen nga ‘Orenda’, katër infermierët që morën pjesë në rrahjen e të moshuarës

  • 02/11/2022 | 16:37

Suspendohen nga ‘Orenda’, katër infermierët që morën pjesë në rrahjen e të moshuarës

Qendra e të Moshuarve ‘Orenda’ në Pejë, ka suspenduar nga puna katër infermiere, për rastin e rrahjes brutale të një moshuare në këtë qendër, shkruan Gazeta Metro.


Një e moshuar është rrahur nga një infermiere në Shtëpinë e të Moshuarve “Orenda” në Pejë, derisa koleget e saj nuk tentonin as ta ndalnin, por vetëm e incizonin dhunën që ushtrohej ndaj të moshuarës.

Qendra ‘Orenda’ ka marrë vendim që katër infermiere të suspendohen nga puna.

A.P, A.R, R.K, G.N, janë inicialet e katër infermiereve të suspenduara nga puna.

Policia e Kosovës njoftoi se janë arrestuar dy vajza, pasi në rrjetet sociale u shpërndanë pamjet, ku një grua në Shtëpinë e të Moshuarve në Pejë torturohet e rrahet nga një infermiere, derisa dikush afër saj qesh dhe e incizon.

Policia tha se në orën 14:10, ka arrestuar dy të dyshuarat e përfshira në këtë rast.

Ato janë duke u intervistuar në Stacionin Policor në Pejë.

Videoja që u shpërnda sot në rrjetet sociale ka tronditur vendin. Aty shihet një infermiere që e rrah të moshuarën dhe së paku një grua tjetër që argëtohet duke e parë sulmin. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë