Tahiri për zjarrin në IML: Shqetësuese, të zbardhen shkaqet – Qeveria ka bërë përpjeke për degradimin e këtij institucioni

Abelard Tahiri, shef i Grupit Parlamentar të Partisë Demokratike të Kosovës, është deklaruar në lidhje me zjarrin që mëngjesin e sotëm përfshiu zyrat e Institutit të Mjekësisë Ligjore, duke e cilësuar këtë si tepër shqetësuese, dhe si rrjedhojë edhe rrethanat dhe shkaqet duhet të zbardhen sa më parë, shkruan Gazeta Metro.

Tahiri ka kritikuar edhe Qeverinë duke thënë se përpjekjet e kësaj të fundit për të degraduar punën dhe imazhin e IML’së, kërkojnë trajtim urgjent nga ana e Kuvendit.

“Pas skandalit të zhdukjes së mostrave të Astrit Deharit, dështimit për të shtuar kapacitetet e mbrojtjes dhe të sigurisë së IML-së, sulmeve dhe fyerjeve të udhëheqësve të Ministrisë së Drejtësisë ndaj ekspertëve mjeko-ligjor, ka cenuar thellë edhe besimin e publikut në punën e këtij institucioni, i cili si i tillë, është në vartësi të drejtpërdrejtë menaxheriale të Ministrisë së Drejtësisë”, ka thënë Tahiri.

Postimi i plotë:

Djegia e zyreve të punës së ekspertëve të Institutit të Mjekësisë Ligjore në mëngjesin e ditës së sotme është tepër shqetësuese, prandaj edhe rrethanat e shkaqet duhet të zbardhen sa më parë.

Pas skandalit të zhdukjes së mostrave të Astrit Deharit, dështimit për të shtuar kapacitetet e mbrojtjes dhe të sigurisë së IML-së, sulmeve dhe fyerjeve të udhëheqësve të Ministrisë së Drejtësisë ndaj ekspertëve mjeko-ligjor, ka cenuar thellë edhe besimin e publikut në punën e këtij institucioni, i cili si i tillë, është në vartësi të drejtpërdrejtë menaxheriale të Ministrisë së Drejtësisë.

Përpjekjet e vazhdueshme të kësaj qeverie për të degraduar punën dhe imazhin e IML-së, kërkojnë trajtim urgjent edhe nga ana e Kuvendit të Republikës së Kosovës. /gazetametro.net

Zjarr në IML, Policia: Dy zyra janë përfshirë nga flakët, nisin hetimet