Tahiri ‘thumbon’ Kurtin: ‘Bashkimin kombëtar’ për të ardhur në pushtet, ‘vetëmenaxhimin’ për të mbetur
-
26/03/2023 | 15:35
Ish-kryenegociatorja e Kosovës në dialogun me Serbinë, Edita Tahiri, përmes një postimi në Facebook ka reaguar ndaj vizitës së sotme të kryeministrit, Albin Kurti, transmeton Gazeta Metro.
Ajo ka thënë se Kurti erdhi në pushtet me kauzën për ‘bashkimin kombëtar’ mes Kosovës dhe Shqipërisë, për të mbetur në pushtet me ‘vetëmenaxhimin’ e komunitetit serb në Kosovë.
”Me ‘bashkimin kombetar’ per te ardhur ne pushtet; me ‘vetmenaxhimin e pakices serbe’ per te mbetur ne pushtet – A thua si do ta shpjegoj kete Kurti sot ne Tirane para shqiptareve!,” ka shkruar Tahiri.
Para se të vinte në pushtet Lëvizja Vetëvendosje, gjegjësisht kur ishte themeluar kishte dalë kundër simboleve të Kosovës dhe kërkonte bashkim kombëtar me Shqipërinë.
Por, gjërat ndryshuan kur më 14 shkurt 2021 Vetëvendosje mori pushtetin, thënë shkurtimisht ”kjo u harrua”.
Ndryshe, sot kryeministri kosovar u takua me krerët e shtetit të Shqipërisë presidentin, Bajram Begaj, kryeministrin, Edi Rama dhe kryeparlamentaren, Lindita Nikolla. /gazetametro.net
‘Asociacioni dhe Kisha Ortodokse Serbe’, Rama tregon se çka e inkurajoi Kurtin të bëjë
