Loading…

‘Takimi dhe raportimi të Dejona Mihali’, Berisha përplaset me ministrin Maqedonci

  • 12/02/2024 | 12:53

‘Takimi dhe raportimi të Dejona Mihali’, Berisha përplaset me ministrin Maqedonci

Kryetari i Komisionit për Siguri, Bekë Berisha është përplasur me ministrin e Mbrojtjes, Ejup Maqedonci gjatë mbledhjes së këtij komisioni, për shkak të një takimi të këtij të fundit me zyrtaren e LVV-së, Dejona Mihali.


Berisha i ka kërkuar nga ministri Maqedonci që të mos e takoj më Mihalin.

Ndërkaq ministri u shpreh se takimi me të ka qenë i rastësishëm.

“Sa i përket takimit me Dejona Mihalin. Unë gjatë vikendeve bëjë ecje në Gërmi dhe kam pasur takim të rastësishëm me Dejonën dhe kemi pirë kafe së bashku dhe nuk mendoj se është një gjë e veçantë, nuk ka qenë drejtori i AKI-së prezent, kanë qenë një dajë i imi dhe një shok”, ka thënë Maqedonci.

Ndërkaq deputeti i AAK-së, Berisha i është përgjigjur duke thënë se Dejona Mihali nuk është njeri legjitim.

“Ministër nuk është rastësi me u taku me Dejonën, kjo po lajmërohet në gjithçka te ministrat te njerëzit që mbajnë funksione të rëndësishme në shtetin e Kosovës, nuk është njeri legjitim, nuk është qytetare e Kosovës e ka emrin Dejona Mihali dhe ti je ministër i Mbrojtjes së Kosovë në situatën më të ndjeshme najherë dhe ka shumë rëndësi mos me u taku me të”, ka thënë Berisha.

Ai tutje ka shtuar se “Ti je ministër ti s’je deputet, as argat nuk duhet me shku me i raportu asaj. Këtë merre si vërejtje”.

Ndërkaq ministri Maqedonci u shpreh se “unë realizoj takime edhe me njerëz të tjerë, nuk realizojë takime me i raportu askujt. Unë i raportoj kryeministrit dhe komisionit parlamentar”.

Por deputeti Berisha nuk i ndali me kaq kritikat ndaj ministrit Maqedonci.

“Unë kam mëndu që t’ka mbet naj grim UÇK, mos u bë ksi, ski nevojë mbaje pak.. mos hyn ma thelle ski nevojë me përmend më”, tha Berisha. /Telegrafi/

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë