Takimi Rama-Basha pa asnjë rezultat
-
03/05/2017 | 15:09
Takimi i zhvilluar në presidencën e Shqipërisë, ndërmjet kryeministrit Edi Rama dhe kryeopozitarit, Lulzim Basha, nuk ka sjellur asnjë rezultat.
Madje, aty mësohet se vetëm janë shtuar pikëpamjet e të dy liderëve, shkruan gazetametro.net.
Për këtë ka njoftuar presidenca shqiptare me anë të një njoftimi për shtyp. Ajo bëri me dije se në takimin që u zhvillua midis kryeministrit Edi Rama dhe liderit të opozitës, Lulzim Basha, “palët prezantuan pikëpamjet e tyre mbi krizën politike dhe rrugët e zgjidhjes së saj”.
“Presidenti i Republikës vijon të mbajë kontaktet me palët për gjetjen e një zgjidhjeje të mundshme mbi bazë kompromisi”, lexohet në njoftimin për shtyp.
Ndryshe, takimi i mbajtur sot ka zgjatur rreth 3 orë, dhe u mbajt pas krizës politike që ka kapur vendin pas bojkotit të opozitës./gazetametro.net
