Loading…

Takohen Ali Ahmeti e  Menduh Thaçi, diskutuan ‘aktualitetin politik’ në Maqedoninë e Veriut

  • 19/10/2022 | 17:12

Takohen Ali Ahmeti e  Menduh Thaçi, diskutuan ‘aktualitetin politik’ në Maqedoninë e Veriut

Sipas njoftimit të lëshuar nga PDSH-ja, Menduh Thaçi ka potencuar rëndësinë e ndryshimit të nenit të kushtetutës së RMV ku formulimi matematikorë 20% në lidhje me shqiptarët të zëvendësohet me formulim adekuat si (populli shqiptar, gjuha shqipe).


Zhvillimet e fundit politike në Maqedoninë e Veriut ishin në fokusin e bisedimeve që dje realizuan liderët e dy partive politike shqiptare atje, ai i BDI’së dhe PDSH’së, Ali Ahmeti dhe Menduh Thaçi.

“Dje në ambientet e Kuvendit të Republikës së Maqedonisë së Veriut u realizua takim në mes kryetarit të Partisë Demokratike Shqiptare z. Menduh Thaçi dhe kryetarit të Bashkimit Demokratik për Integrim z. Ali Ahmeti. Me këtë rast z. Menduh Thaçi e informoi z. Ali Ahmeti me rezolutën e fundit të kongresit të VIII të PDSH-së e cila ka të bëjë me ndryshimin e nenit të kushtetutës së RMV ku formulimi matematikorë 20% në lidhje me shqiptarët duhet të zëvendësohet me formulim adekuat si (populli shqiptar, gjuha shqipe). Poashtu në këtë takim u bisedua edhe për aktualitetin politik në vend dhe më gjerë. Bashkëbiseduesit ranë dakord që takimet e tilla të vazhdojnë edhe me faktorë tjerë politik, ekspertë të lëmisë dhe shoqëritë civile”, thuhet në njoftimin e lëshuar nga PDSHja.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë