Tani askush nuk mund të lirohet nga burgu për ‘arsye shëndetësore’

Edhe ambasadori i Britanisë në Prishtinë, Ruairí O’Connell e ka mirëpritur votimin në Kuvend të Ligjit mbi Ekzekutimin e Sanksioneve Penale.

“Unë e mirëpres miratimin e Ligjit mbi Ekzekutimin e Sanksioneve Penale sot nga Kuvendi i Kosovës. Ky është një hap përpara”, ka shkruar ambasadori britanik në Kosovë, përcjell gazetametro.net

“Ky miratim mbyll një hapësirë që lejoi Ministrat e Kosovës lirimin e kujtdo që ata donin nga burgjet e Kosovës për ‘arsye shëndetësore’. Kjo do të ndihmonte në ndalimin e ndikimit të tepruar të interesave të fuqishme në sistemin e drejtësisë. Ne shpresojmë të shohim përpara hapa tjerë të rëndësishëm; hapa të tillë janë të domosdoshëm”, përfundoi ai. /gazetametro.net