Detaje për përleshjen me armë mes dy grupeve në Prishtinë (Foto/Video)
-
12/04/2017 | 22:18
E Plotësuar- 22:36
Një incident me armë zjarri ka ndodhur para pak minutash në rrugën UÇK në Prishtinë. Sipas informatave të para ka pasur shkëmbim zjarri mes dy grupeve.
“Ju njoftojmë se me datën 12.04.2017 rreth orës 21:27 në rugën “UÇK” janë dëgjuar të shtëna me armë. Njësia policore ka arritur në vendin e ngjarjes ku kanë hasur në dy gëzhoja dhe një fishek të pa shkrepur. Në bazë të informacioneve të deritanishme nuk raportohet për të lënduar”, thuhet në njoftimin e Policisë së Kosovës, përcjell gazetametro.net
Në vendin e ngjarjes janë njësitë relevante policore, hetuesia dhe krimtenika, të cilët po merren me ekzaminimin e vendit të ngjarjes, përcjell gazetametro.net
Pak çaste më parë ka pasur të shtëna me armë të lagja Qafa në Prishtinë. Këtë e ka konfirmuar për Gazeta Metro edhe policia e Kosovës. Aty deri më tani nuk raportohet për të lënduar.
Zyrtari për informim në Policinë e Kosovës, Bajram Krasniqi pasi ka konfirmuar rastin për Gazeta Metro ka treguar se në vendin e ngjarjes janë gjetur dy gëzhoja të një arme që si dihet lloji deri më tani.
Krasniqi shtoi se arsyet e ngjarjes nuk janë të ditura.
Fotografitë dhe video nga terreni janë bërë nga gazetari i Gazetës Metro.
