Loading…

Të shtëna në Tropojë: I riu qëllon një 33-vjeçar nga fisi Haklaj, sherri nisi në lokal

  • 11/12/2021 | 08:31

Të shtëna në Tropojë: I riu qëllon një 33-vjeçar nga fisi Haklaj, sherri nisi në lokal

Policia ka dhënë njoftimin zyrtar në lidhje me plagosjen me armë zjarri mbrëmjen e kaluar në Tropojë.


Mësohet se gjatë natës një një lokal në këtë qytet është plagosur Alban Haklaj 33 vjeç. I riu është qëlluar me armë zjarri nga 24 vjeçari Genti Vatnikaj i cili është shpallur në kërkim.

Sipas policisë Haklaj ndodhet nën kujdesin e mjekëve në spitalin e Gjakovës, jashtë rrezikut për jetën, ndërsa vijojnë kërkimet për kapjen e Vatnikajt.

Njoftimi i policisë:

Plagosi me armë zjarri një shtetas, identifikohet dhe shpallet në kërkim autori i dyshuar. Më datë 10.12.2021, në një lokal në qytetin e Bajram Curri, është plagosur me armë zjarri shtetasi A. H., 33 vjeç, banues në Tropojë. Menjëherë në vendngjarje janë nisur shërbimet e Policisë, ku falë veprimeve të shpejta bënë të mundur identifikimin e autorit të dyshuar shtetasin G. V., 24 vjeç, banues në Tropojë, i cili dyshohet se për motive të dobëta ka qëlluar me armë zjarri shtetasin A. H Në hyrje- daljet e qytetit, janë ngritur pika kontrolli, me qëllim kapjen e autorit. I plagosuri shtetasi A. H., ndodhet nën kujdesin e mjekëve në spitalin e Gjakovës, jashtë rrezikut për jetën. Në drejtimin e Prokurorisë, vijon puna për sqarimin e rrethanave dhe dokumentimin e ligjor të kësaj ngjarjeje.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë