Loading…

Telefonatat mes shteteve të Ballkanit shumë më të lira nga sot: Mësoni çmimet e Kosovës

  • 01/07/2019 | 11:22

Telefonatat mes shteteve të Ballkanit shumë më të lira nga sot: Mësoni çmimet e Kosovës

Këshilli Rajonal Bashkëpunues (RCC) ka njoftuar se nga sot, çmimet e roamingut përgjatë tërë Ballkanit Perëndimor kanë rënë drastikisht. Qytetarët e këtyre vendeve do të jenë në gjendje të flasin, të hulumtojnë në internet, të dërgojnë SMS shumë më shumë e të paguajnë shumë më pak.

Mesatarisht, çmimet për thirrjet dalëse kanë rënë për 65% për qind, ndërsa për internet (data) deri në 78%, që janë ulje të konsiderueshme, ndërsa në disa raste këto ulje shkojnë deri në 99 për qind, transmeton Koha.net.

Për shembull, çmimi për thirrjet dalëse në disa raste shkon deri në 0.08 Eurocent, ndërsa çmimi për shfletim në internet (data) është ulur deri në 0.03 Eurocent, varësisht nga operatori.

Veç kësaj uljeje në çmime, një marrëveshje e re me BE-në për të lejuar uljen e çmimeve mes Ballkanit Perëndimor dhe BE-së është në realizim e sipër.

Çmimet deri më 30 qershor, 2019, për thirrjet dalëse të operatorëve kosovarë kanë qenë 1.75 Euro për minutë, për thirrjet e pranuara 0.50 Eurocent, për SMS 0.30 Eurocent, kurse çmimi për internet (data) ka qenë 2.00 Euro për MB.

Kurse, me marrëveshjen e fundit, që nis së aplikuari nga dita e sotme, thirrjet dalëse do të kushtojnë 0.15 Eurocent (ulje -91%), hyrëse 0.047 Eurocent (ulje -90%), një SMS do të kushtojë 0.04 Eurocent (ulje -85%) ndërsa një MB internet do të kushtojë vetëm 0.04 Eurocent (ulje -98%).

Tabela me çmimet e vjetra dhe të reja të të gjitha shteteve të Ballkanit Perëndimor:

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë