Loading…

Tentim vrasje në Prishtinë, sigurimi i ‘Zone Club’ sulmohet me kallashnikov

  • 29/05/2022 | 09:30

Tentim vrasje në Prishtinë, sigurimi i ‘Zone Club’ sulmohet me kallashnikov

Në orët e mëngjesit të sotëm, ka ndodhur një tentim vrasje të “Përroi i Njelmët”, në Prishtinë, ku një person është gjuajtur me kallashnikov derisa ishte në veturën e tij.


Burimet Sinjali bëjnë me dije se personi që u sulmua është K.P., sigurim i “Zone Club”, i cili ka pësuar plagë për shkak të sulmit me armë.

Siç mëson Sinjali, viktima se dyshon se u gjuajt me armë nga një person të cilin s’e kishte lejuar të hyjë në diskotekë gjatë ditës së djeshme.

Policia ka dalë menjëherë në vendin e ngjarjes, me ç’rast viktima është dërguar në Qendrën Klinike Universitare të Kosovës për trajtim, ndërkohë që zyrtarët policorë kanë gjetur disa gëzhoja të kallashnikovit.

Përveç lëndimeve që ka pësuar viktima, edhe në automjetin e tij janë shkaktuar dëme nga sulmi me armë.

Prokurori i Shtetit ka urdhëruar që të iniciohet rasti “tentim vrasje” dhe të nisin hetimet për identifikimin e të dyshuarit dhe arrestimin e tij.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë