Tentimi i dytë i Hashim Thaçit  

Presidenti i Kosovës Hashim Thaçi, i kishte ftuar para disa dite të gjitha partitë politike për të diskutuar për reformën zgjedhore. Në këtë takim nuk shkuan përfaqësuesit e tri partive opozitare.

Në një takim të tillë presidenti i ka ftuar edhe sot për të dytën herë. Temë diskutimi ashtu edhe si herën e kaluar do të jetë reforma zgjedhore.

Por, si duket askush nga liderët opozitarë as kësaj here nuk do i shkojë në takim.

Për opozitën kjo thirrje konsiderohet jo e sinqertë dhe përfaqësuesit e saj kanë vendosur sërish të mos i përgjigjen.

Vetëvendosja, AAK dhe Nisma, kanë thënë se për reformën zgjedhore do të flasin atëherë kur do të caktohet data e zgjedhjeve./gazetametro.net