Tetëvjeçarja kosovare i shkruan letër Vucic’it, impresionohet ambasadorja kosovare në SHBA (Foto)

Një vajzë tetëvjeçare nga Kosova e quajtur Alisa Qirezi, i ka shkruar një letër presidentit serb Aleksandar Vucic, pasi ka dëgjuar një deklaratë të këtij të fundit në televizor. Kjo letër ku vajza e vogël i kërkon presidentit serb që të mos e fsheh fajin por ta pranojë atë, është shpërndarë në rrjetet sociale edhe nga ambasadorja e Kosovës në SHBA, Vlora Çitaku, e cila i ka bërë një përshkrim në anglisht, sigurisht si mesazh për kolegët e saj diplomat, nga e gjithë bota.  

Ambasadorja Çituaku duke folur për letrën e tetëvjeçares nga Kosova, ka thënë se ajo ka lindur një vit pasi Kosova shpalli pavarësinë, dhe ajo ka lindur për të qenë e barabartë dhe qytetare krenare e Republikës së saj, përcjellë gazetametro.net.

“Ajo është e guximshme, e zgjuar dhe nuk ndihet inferiore ndaj askujt. Dy javë më parë ajo i shkroi një letër Presidentit të Serbisë, pasi dëgjoi një deklaratë të tij në TV. Fshehja e krimit është krim më i madh se sa vet krimi”, thotë Çitaku duke cituar fjalët e tetëvjeçares Çirezi, shkruar në letrën për Vucic’in. /gazetametro.net