Loading…

Tha se ekonomia e Kosovës do i afrohet Kroacisë, Kimete Berisha-Kurtit: Nuk mundesh me ble as biletën për Zagreb

  • 29/10/2021 | 21:50

Tha se ekonomia e Kosovës do i afrohet Kroacisë, Kimete Berisha-Kurtit: Nuk mundesh me ble as biletën për Zagreb

Analistja Kimete Berisha i është përgjigjur kryeministrit Albin Kurti i cili tha sot se me këtë rritje ekonomike, Kosova do t’i afrohet Kroacisë.


Berisha i është përgjigur Kurtit duke i thënë se “me pagën e Kosovës, s’mund të blesh as biletë për Kroaci”.

“E edhe nëse i mbledh paret për biletë, kur mbërrin atje, Kryqi i Kuq duhet të merret me fatin tënd, derisa të dorëzojnë si fakirin në ambasadë, për kthim prapa në mjerim”, ka shkruar Berisha në Facebook.

Sipas Berishës, ministri i Financave, Hekuran Murati, jeton në ëndrra e aventura.

“Është bestyt, i paedukuar, gënjen, mashtron, vjedh, fantazon, për ta kaluar lumin”, ka shkruar ajo.

Postimi i plotë:

Nanë oj nanë, Kosova Kroaci!

Me pagën e Kosovës ti nuk mund të blesh as biletë për Zagreb.

E edhe nëse i mbledh paret për biletë, kur mbërrin atje, Kryqi i Kuq duhet të merret me fatin tënd, derisa të dorëzojnë si fakirin në ambasadë, për kthim prapa në mjerim.

Hekuran Murati si Huckeberry Finn,

nuk ka lidhje me Kosovën, jeton veç në ëndrra e në aventura.

Është bestyt, i paedukuar, gënjen, mashtron, vjedh, fantazon, për ta kaluar lumin.

Që mashtron s’ka dert, është gjë normale, ama që kujton se po i beson dikush, është qesharake.

Dhe ky më shumë na nervozon kur na bën të qeshim.

Nuk bëhet fjalë këtu për zhvillim ekonomik, në Kosovë bëhet fjalë për mbijetesë, Huck!

Që pa diasporën, Kosova as s’do të ekzistonte si shtet.

Jo që s’ka zhvillim, por Kosova kurrë nuk ka qenë më e varfër.

Nuk fallsifikohet varfëria.

Pasurinë edhe mund ta mbash fshehtë, të shtiresh si i varfër duke qenë i pasur, ama varfëria nuk mund të mbahet sekret.

Jemi populli më i varfër në Evropë.

Me papunësi trishtuese dhe me ndihma sociale që i quajnë paga.

Këtu nuk ka punëdhënes, ka vetëm skllavopronarë.

Por Albin Kurti dhe Hekuran Murati e mohojnë të vërtetën, e zbukurojnë trishtimin dhe e prezantojnë para botës një rren të madhe, për një Kosovë që ekziston vetëm në psikozën e tyre.

Se çfarë sjell e ardhmja po dihet…

si mund të korrim ne diçka që nuk e kemi mbjell!

Tash edhe më keq seç ka qenë, kjo qeveri e ktheu modën e asaj varfërisë burimore shqiptare, që kur del me shoqni, bën kishe e kam harru kuletën.

‘A e ke bre q’aty 1 euro, se e

paskam harru kuletën’!

— Kur e pi kafen pa pare, e ta paguan dikush të duket sikur ja ke lshu ‘kemrren’!

…e konsideron veten se ke dal profit: ‘Shuj se e nxjerra ditën’!

Albin Kurti dhe Hekuran Murati po bëjnë tregti me varfërinë tonë.

Po na e vjedhin edhe varfërinë.

Po e mohojnë realitetin tonë para botës, duke prezantuar suksese që nuk ekzistojnë, dhe kjo është çmenduri që na merr më qafë.

Sot neve nuk na intereson e ardhmja, që na e parashikon Albin Kurti.

Sepse, e ardhmja nuk ‘ekziston’!

Ne jemi mbushur mend dhe tash neve na intereson vetëm e sotmja, na intereson sa pare i kemi në xhep, sot.

P.S. Madje edhe Armend Rexhepagiqi në një momet e ka përjetuar një ‘bllok kreativ’, kur nuk ka gjetur fjalë për vargun e këngës ‘Treni vonohet’, dhe ia ka futur trup:

T T T treni treni vonohet.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë