Loading…

Thaçi e Pacolli kthejnë në Kosovë gjashtë ambasadorë

  • 08/04/2018 | 13:57

Thaçi e Pacolli kthejnë në Kosovë gjashtë ambasadorë

Ka nisur kthimi i ambasadorëve në Kosovë që u ka mbaruar mandati në shërbimin diplomatik. Në mesin e tyre janë ambasadorët në Turqi, Slloveni, Mbretëri e Arabisë Saudite, Britani, Maqedoni e Bullgari.


Nënshkrimi i Presidentit të Kosovës, Hashim Thaçi, ka bërë që tetë ambasadorë lirohet nga kjo detyrë nëpër shtetet përkatëse ku e kanë përfaqësuar vendin.

Këtë e ka konfirmuar për Insajderin edhe këshilltari i ministrit të Jashtëm, Jetlir Zyberaj.

Ambasadorët të cilët janë liruar nga detyra janë Valdet Sadiku (Serbi); Edon Cana (Francë); Avni Spahiu (Turqi); Nexhmi Rexhepi (Slloveni); Rexhep Boja (Mbreteria e Arabisë Saudite); Lirim Grejçevci (Mbretëria e Bashkuar); Ylber Hysa (Maqedoni); Shpend Kallaba (Bullgari).

Kosova prej se ka shpallur pavarësinë shërbimin diplomatik e ka ndërtuar në shumicën e rasteve me staf diplomatik të ardhur nga partitë politike.

Edhe ambasadorët që do të kthehen në Kosovë, një pjesë e tyre, kanë qenë shërbëtor të partive aktuale politike në Kosovë.

Nuk dihet nëse ata do të zëvendësohen përsëri me të deleguar të partive politike në pushtet.

PDK, AKR e AAK kur kanë ndërtuar koalicionin qeveritar ishin marrë vesh edhe për pozitat diplomatike krahas dërgimit të njerëzve të tyre nëpër borde të ndërmarrjeve publike në Kosovë.

I akuzuari i rastit “Pronto”, Adem Grabovci ka deklaruar se edhe kjo Qeveri, sikurse edhe të tjerat, kishin pasur marrëveshje për t’i futur njerëzit e tyre nëpër pozitat publike.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë