Thaçi: Policia e Kosovës parandaloi sulmin ndaj Kombëtares së Izraelit

Presidenti i Kosovës Hashim Thaçi ndjehet krenar për Policinë e Kosovës.

“Jam krenar që edhe “Transaprency International” e tha atë që ne e kemi ditur qëmoti, se Policia e Kosovës është forca më profesionale dhe më e besueshme në rajonin tonë e më gjerë”, ka shkruar në porfilin e tij në Facebook.

Gjithashtu Thaçi përgëzon policinë për punën që bënë duke e përmendur që para disa ditëve policia morri masa për parandalimin e sulimit terrorist të planifikuar të ndodhte gjatë ndeshjes së futbollit në mes Shqipërisë dhe Izraelit.

“Ky ishte një rast tjetër i bashkëpunimit shembullor rajonal, të shërbimeve policore dhe të agjencive të inteligjencës, në shkëmbim informacioni dhe në bashkërendim të masave operative. Ky është një konfirmim tjetër i nivelit të lartë të përgatitjes së strukturave të sigurisë të Republikës së Kosovës për t’u përballur me sfidat e sigurisë që e kërcënojnë Kosovën dhe rajonin”, ka shkruar Thaçi.