Loading…

Thaçi kujton demonstratën e vitit 1981

  • 11/03/2017 | 10:16

Thaçi kujton demonstratën e vitit 1981

Presidenti Hashim Thaçi, përmes një postimi në Facebook, ka kujtuar demonstratën e 11 marsit 1981, e cila sipas tij “ka hyrë në kalendarin e datave historike të Kosovës si reagim i rinisë studentore për avancimin e të drejtave politike, ekonomike dhe kulturore të popullit shqiptar nën ish-Jugosllavi”.


Thaçi thotë se pas kësaj demonstrate e deri në vitin 1999 Kosova ka kaluar nëpër ngjarje që kanë vërtetuar të drejtën e saj për avancim të statusit politik dhe juridik.

“Pas demonstratës së 11 marsit në Prishtinë, pasuan të tjerat edhe më të mëdha, gjithëpërfshirëse, në qendra të tjera të Kosovës, duke artikuluar fuqishëm kërkesën për Republikën e Kosovës”.

“Prej 11 marsit 1981 deri në qershor 1999, Kosova ka kaluar nëpër ngjarje historike që vërtetuan drejtësinë e kërkesës për përparimin e statusit politik dhe juridik të Kosovës”.

E gjithë kjo sipas Thaçit kulmoi me pavarësinë e Kosovës.

“E tëra kulmoi me çlirimin dhe pavarësinë e Kosovës. Sot, Kosova është shtet i lirë, i pavarur e demokratik, republikë parlamentare me synime të qarta dhe perspektivë të sigurt euroatlantike”. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë