Thaçi për zgjedhjet: Vendi të ecë më shpejt

Presidenti Hashim Thaçi, sot ka folur për mundësinë e shkuarjes në zgjedhje të parakohshme. Ai në një konferencë të shkurtër për media, edhe pse është treguar i rezervuar të flas për këtë temë, indirekt ka dhënë mesazhin se është pro dhënies fund të këtij koalicioni.

Thaçi ka thënë se ai si president vepron sipas Kushtetutës dhe ligjeve të Kosovës, e u takon partive politike të vendosin për këtë. Por, ai edhe ka thënë se kjo qeveri nuk është duke mundur t’i lëvizë gjërat me ritmin e duhur, shkruan gazetametro.net.

“Për mundësinë e organizimit të zgjedhjeve të përgjithshme, unë respektoj kushtetutën dhe mandatin ligjor, ndërsa është nën vullnetin e partive politike nëse duan zgjedhje të parakohshme. Unë do të respektoj marrëveshjen politike dhe do t’i kryejë obligimet e mia kushtetuese”.

“E potencova, sa i përket qëndrueshmërisë dhe funksionalitetit, janë partitë që përbëjne koalicionin ato që marrin qëndrime, zotimet por edhe përgjegjësit, dhe që bëjnë vlerësimin e punës”.

“Por si president i vendit theksoi se Kosova duhet të lëvizë më shpejt, më mirë dhe në mënyrë më efikase drejtë konsolidimit të shtetit, forcimit të ekonomisë dhe përspektivës euroatlantike”, ka thënë Thaçi. /gazetametro.net