Thaçi: Qytetarët në Maqedoni të mos bien pre e provokimeve

Pas reagimeve të shumta për gjendjen në Maqedoni, vjen edhe reagimi i presidenti të Kosovës, Hashim Thaçi.

“Po i përcjell me shqetësim ngjarjet në Republikën e Maqedonisë. E përshëndes zgjedhjen e kryetarit të ri të parlamentit maqedonas, z. Talat Xhaferi, dhe apeloj tek të gjithë që të përmbahen nga veprimet e dhunshme dhe shpresoj që qytetarët atje të mos bien pre e provokimeve” ka thënë Thaçi në postimin e tij në Facebook.

Gjithashtu Thaçi ka shtuar, se stabiliteti dhe funksionimi i institucioneve demokratike të Republikës së Maqedonisë është interes i qytetarëve të saj, por edhe i gjithë rajonit.

“Natyrisht se për shqiptarët e Maqedonisë zbatimi i Marrëveshjes së Ohrit është korniza e duhur e cila siguron funksionimin demokratik të shtetit fqinj, të cilin dëshiroj ta shoh sa më shpejt të anëtarësuar në NATO dhe BE”, është shprehur Thaçi.