Loading…

‘The Eye’: Arrestohen tre shqiptarë dhe dy ukrainas, u kapën me gati 1 tonë marihuanë në det

  • 08/08/2022 | 16:05

‘The Eye’: Arrestohen tre shqiptarë dhe dy ukrainas, u kapën me gati 1 tonë marihuanë në det

Tre shqiptarë dhe dy ukrainas janë arrestuar nga Guardia di Finanzia pasi u kapën me afro 1 tonë drogë të llojit marihuanë. Policia e Vlorës ka arrestuar në flagrancë tre vlonjatët Arbër Saraseli, 31 vjeç, Saverjo Imeraj, 22 vjeç dhe Qemal Pekmezi, 19 vjeç.


Ndërsa Guardia di Finanza, në ujërat italiane ka arrestuar në flagrancë dy shtetasit ukrainas Bychkovi Serhii , 43 vjeç dhe Senkevych Serhii, 62 vjeç.

Aksioni është zhvilluar gjatë së dielës kur tre vlonjatët rreth orës 15:00 kanë transportuar lëndën e dyshuar narkotike marijuanë, me tre skafe drejt një mjeti tjetër lundrues, në thellësi të ujërave të detit Jon dhe më pas e kanë nisur atë drejt Italisë.

Në momentin e shkëmbimit të lëndës narkotike ka ndërhyrë Guardia di Finanza.

Aksioni është zhvilluar nga ajri, toka dhe deti duke përdoruar edhe helikopterin e Guardia di Finanzas.

Pothuajse 1 ton kanabis ishte e ndarë në 153 pako të cilat u sekuestruan.

Policia gjeti në shtëpinë e Saverjo Imerajt tre skafet të cilat u përdorën për transportin e lëndës narkotike, tre aparate celularë dhe dy automjete të tjera.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë