T’i hapim letrat për vdekjen e Deharit

Kryetari i Parlamentit të Kosovës, Kadri Veseli, sot në seancë, duke iu përgjigjur këmbëngulësisë së Vetëvendosjes për t’u mbajtur një seancë ku do të diskutohej për vdekjen e aktivistit të tyre Astrit Dehari, ka thënë se duhet të flitet për shkaktarët e vërtetë që kanë quar deri te vdekja.

Veseli ka thënë se duhet për këtë rast duhet të merret përgjegjësia nga dikush, por pasi të hapen letrat dhe të shihet se kush ka nxitur vjrasjen apo vetëvrasjen e tij.

“Është e vërtete se një djalë i ri ka vdekur në Kosovë dhe duhet të flitet në momentin e caktuar. Në momentin e caktuar PDK i jep nënshkrimet. Dhe ky moment është në muajin dhjetor. Duhet të flitet për ata qe e kanë nxitë qe ai të ia merr vetën jetës.  Ky është sistemi ynë i brishtë i drejtësisë. Duhet me marr përgjegjësi kush e ka nxitë dhe kush e ka shkaktu vrasjen apo vetëvrasjen”. /gazetametro.net