Xhudistja kosovare, Nora Gjakova, ka kaluar në finale në Grand Slamin që po mbahet në Tbilisi të Gjeorgjisë, transmeton Gazeta Metro.
Në kategorinë deri në 57 kilogramë, ajo mposhti në gjysmëfinale kanadezen, Jessica Klait dhe kësisoj ka siguruar medaljen e argjendtë.
Në finale Gjakova do të ndeshet me xhudisten serbe, Marica Perisic.
Kujtojmë se finalen në kategorinë deri në 52 kilogramë e ka siguruar edhe kampionia olimpike, Distria Krasniqi. /gazetametro.net