‘Tmerr i tmerrit’, Kica-Xhelili për zjarrin në IML: E frikshme, ngrit dyshime të një përfshirjeje të rrezikshme të pushtetit

Daorsa Kica- Xhelili, deputete nga Lidhja Demokratike e Kosovës, është deklaruar pas zjarrit që ka rënë sot në mëngjes në Institutin e Mjekësisë Ligjore në Prishtinë, duke thënë se kjo ndodhi një ditë pas dhënies së dëshmisë së ministres së Drejtësisë, Albulena Haxhiu në rastin e Astrit Deharit, shkruan Gazeta Metro.

---

Ajo ka theksuar edhe se zhdukja e monstarve të Deharit ndodhi brenda mandatit të kësaj Qeveria.

“Kjo është e FRIKSHME. Kjo ngrit dyshime e frikë të një përfshirjeje tejet të rrezikshme të pushtetit në këtë rast. Kjo që ndodhi është thënë më së buti KATASTROFË. Nuk di e nuk mund të kujtoj asgjë më skandaloze se një keqmenaxhim të tillë të Institutit që RIKUJTOJMË: OPERON në kuadër të MINISTRISË SË DREJTËSISË dhe operon me USHTRUES DETYRE qe sa kohë”, ka thënë ndër tjerash ajo.

Postimi i plotë:

TMERR I TMERRIT

NJË DITË pas dhënies së dëshmisë së Ministres Haxhiu në Prokurori lidhur me rastin e të ndjerit Astrit Dehari, digjet Instituti i Mjekësisë Ligjore ku qëndrojnë (apo qëndronin) DËSHMITË e këtij rasti.

Dhe kjo:

PASI që ato dëshmi u vodhën e u kthyen, BRENDA mandatit të KËSAJ qeverie.

PASI që pas shumë vitesh që Haxhiu pretendonte se kush janë fajtorët, tani del si njeriu më i papërgjegjshëm i fjalës publike e pozitës së saj e deklaron se “PO TA DIJA KUSH, do ta thoja para shumë vitesh”. Tash iu kujtua, domethënë, që nuk e di? Çka ndodhi Ministre? Amnezi?

Kjo është e FRIKSHME. Kjo ngrit dyshime e frikë të një përfshirjeje tejet të rrezikshme të pushtetit në këtë rast.

Kjo që ndodhi është thënë më së buti KATASTROFË. Nuk di e nuk mund të kujtoj asgjë më skandaloze se një keqmenaxhim të tillë të Institutit që RIKUJTOJMË: OPERON në kuadër të MINISTRISË SË DREJTËSISË dhe operon me USHTRUES DETYRE qe sa kohë.

KY ALARM nuk guxon të ndalet.

Kjo nuk është KOSOVË e demokracisë e sigurisë. Kjo Kosovë ndjell pasiguri të skajshme. /gazetametro.net