Loading…

Totaj: Fondi milionësh për start-up bizneset nga të rinjtë dhe gratë

  • 05/11/2021 | 17:42

Totaj: Fondi milionësh për start-up bizneset nga të rinjtë dhe gratë

Kandidati për kryetar të Prizrenit, Shaqir Totaj, i shoqëruar nga kryetari Memli Krasniqi së bashku me bashkëpunëtorë kanë vizituar disa ndërmarrës të rinjë të Prizrenit që udhëheqin me sukses kompaninë “Makerspace”. Shaqir Totaj në programin e tij qeverisës ka prioritet të lartë mbështetjen e bizneseve start-up të të rinjëve dhe grave.


“Të rinjtë e Prizrenit janë të talentuar dhe inovator. Me Fondin e veçantë milonësh për start-upet e reja që vijnë nga të rinjtë dhe gratë, do t’i japim jetë ideve të tyre. Në Qendrën e Inovacionit Makerspace tashmë ka filluar përgatitja e gjeneratës së re të profesionistëve dhe ndërmarrësve të qytetit tonë. Përkrahja si kryetar i ardhshëm do të jetë maksimale” ka thënë Totaj.

Kurse Kryetari i PDK-së, Memli Krasniqi ka folur rreth mbështetjes që Shaqir Totaj do të ketë për bizneset star-up të rinisë dhe grave.

“Kam ardhur sot këtë të ju them se, konceptualisht, duke nisur nga unë PDK-ja e shumë njerëz brenda partisë sonë, nga kryesia e re, poashtu dhe ekipi i kandidatit për Kryetar të Prizrenit dhe vet kryetari i ardhshëm. Shaqir Totaj, kanë qenë dhe janë adresë e përfundimit të projekteve madhore dhe lehtësisht të qasshëm gjithëmonë. Prandaj ju premtoj se me qeverisjen e Totajt do të i keni dyert e hapura, do të keni mbështetje dhe njerëz me të cilët mund të bëni debat konstruktiv, zgjidhje të problemeve dhe projekte për të mirën e të rinjëve të Prizrenit” ka thënë Memli Krasniqi në këtë takim.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë