Loading…

Totaj: Kryetari në ikje pati mbështetjen e kryeministrit Kurti, balotazhi do ta tregojë të vërtetën

  • 27/10/2021 | 23:26

Totaj: Kryetari në ikje pati mbështetjen e kryeministrit Kurti, balotazhi do ta tregojë të vërtetën

Kandidati i PDK-së për kryetar të komunës së Prizrenit, Shaqir Totaj, ka thënë se e ka ditur që do të shkojë në balotazh, pasi që ka qenë e pamundur të fitohet kundër Mytaher Haskukës, marrë parasysh përkrahjen që e ka pasur ai nga kryeministri Albin Kurti.

Totaj thotë se raundi i dytë do të tregojë realitetin, e që sipas tij është ai që Haskuka ka pasur qeverisje të dobët dhe të mbyllur pa kontakte me qytetarin.

“Unë personalisht e kam ditur se do të jem në balotazh sepse pretendimi i kryetarit në ikje që do të fitojë 0pa balotazh ishte iluzion. Ne kemi qenë në kontakt të vazhdueshëm me qytetarë dhe e kemi parë disponimin e tyre. Fakti që kryetari në ikje dhe ka pasur resurse dhe ka pasur përkrahjen e kryeministrit aktual, megjithatë nuk ja kanë arritur. Tani jemi në balotazh. Është rezultat real dhe ky raund do ta tregojë të vërtetën. Do ta tregojë qeverisjen e tyre të mbyllur pa komunikim me qytetarë dhe autarkik dhe ka pasur skandale të ndryshme”, ka thënë ai në emisionin dPt te Fidani në T7.

Totaj do të shkojë në balotazh me Haskukën, që është kandidat i VV-së më 14 nëntor.

Haskuka është kryetar aktual dhe ka garuar për të fituar besimin e qytetarëve për një mandat të dytë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë