Loading…

‘Tradhti’: Pallati presidencial në Pragë u ndriçua me këtë parullë si protestë ndaj presidentit pro-rus

  • 20/04/2021 | 17:15

‘Tradhti’: Pallati presidencial në Pragë u ndriçua me këtë parullë si protestë ndaj presidentit pro-rus

Dritaret Pallatit Hradcani në Pragë mbrëmjen e të hënës janë ndriçuar me parullën ‘tradhti’ nga protestues çekë që kishin synim theksimin e qëndrimit pro rus të presidentit kontrovers Milos Zeman, transmeton Gazeta Metro.


Organizatorët e ngjarjes po tërheqin vërejtën se Zeman po sillet si një agjent i Rusisë, në dëm të Çekisë dhe me kërkesën që ai të akuzohet në gjykatën kushtetuese për tradhti.

“Sulmet ndaj shërbimeve të informimit çek, pengimi i hetimeve, punësimet në kabinetin e tij të personave pa hetim paraprak të dokumenteve për lidhje me shërbimet e inteligjencës së Rusisë, mbrojtja e kompanisë Rosatom në tenderin strategjik, mbështetja për vaksinimin e qytetarëve çek me vaksinën e pa miratuar ruse Sputink, kualiteti i të cilës ka dyshime” janë disa prej arsyeve të shtruara nga nisma Të Ndalojmë Tradhtinë që i kërkuan deputetëve çek të padisin Milos Zeman në Gjykatën Kushtetuese të Republikës Çeke.

Skandalet e zbuluara kohëve të fundit i përfshirjes në akte sabotimi të shërbimeve të inteligjencës ushtarake GRU dhe SVR, të Rusisë në vitin 2014’ ku ishin hedhur në ajër magazina të armëve dhe municioneve të ushtrisë çeke në Vrbjetice në jug të Çekisë.

Të shtunën e javës së kaluar Çekia ka përzënë 18 diplomatë rusë nga ambasada në Pragë, për të cilët kishte informacion të qëndrueshëm se janë agjentë të shërbimeve të inteligjencës së Rusisë.

Rusia u kundërpërgjigj duke përzënë 20 diplomatë çekë, mes tyre edhe zëvendës ambasadorin çek në Moskë. Në Çeki ka kërkesa për reagim më të ashpër ndaj reagimit jo proporcional rus, deri në mbylljen e ambasadës e ndërprerjen e marrëdhënieve diplomatike.

Presidenti i Republikës së Çekisë, Milos Zeman, po kritikohet ashpër për heshtjen e tij të deritanishme në këtë përshkallëzim të tensioneve, megjithëse mediat çeke kanë njoftuar se veprimet e qeverisë kishin mbështetjen e tij./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë