Tragjedi në Gjermani: Makina ‘fshin’ turmën e njerëzve, dy të vdekur e dy të plagosur rëndë

Një ngjarje e rëndë tronditi qendrën e qytetit të Leipzigut këtë të hënë, ku një automjet ka hyrë me shpejtësi mes një turme njerëzish, transmeton Gazeta Metro.

Sipas informacioneve të para nga mediat lokale gjermane, dy persona kanë humbur jetën, ndërsa dy të tjerë po luftojnë me plagë të rënda.

Dëshmitarët e cituar nga Radio Leipzig kanë përshkruar skena tmerri, ku një automjet i tipit SUV Volkswagen, i dëmtuar dhe me një person mbi të, është parë duke kaluar me shpejtësi nëpër zonën e dedikuar për këmbësorë.

Policia lokale ka konfirmuar incidentin për agjencinë e lajmeve Reuters, duke bërë të ditur se ka persona të lënduar, ndonëse detajet mbi motivet apo rrethanat e plota mbeten ende të paqarta. Autoritetet gjermane janë në vendngjarje dhe po hetojnë nëse bëhet fjalë për një aksident apo një sulm të qëllimshëm./gazetametro.net