Tragjedi në Pogradec: Humb jetën 32-vjeçari pasi u hodh nga varka në liqen

Një ngjarje e rëndë ka ndodhur në liqenin e Pogradecit, ku një 32-vjeçar ka humbur jetën si pasojë e mbytjes në ujë, përcjell Gazeta Metro.

I riu ndodhej në një mjet lundrues rreth 150 metra larg vijës bregdetare. Nën rrethana ende të pazbardhura, ai është zhytur nga varka për t’u larë, por shumë shpejt ka shfaqur komplikime dhe nuk ka arritur të dalë më në sipërfaqe, raporton a2cnn.

Në vendngjarje kanë mbërritur menjëherë ekipet e emergjencës, ndërsa po vijojnë kërkimet në ujë për gjetjen dhe nxjerrjen e trupit të pajetë. Ndërkohë, organet e rendit kanë nisur punën për dokumentimin e plotë të shkaqeve të kësaj ngjarjeje./gazetametro.net